DMM 3.0 hefur nú verið hleypt formlega af stokkunum. Fyrsta uppfærslan var hjá Landsvirkjun. Uppfærslan tókst í alla staði mjög vel enda vel af henni staðið af hálfu Landsvirkjunarmanna og okkar manna. Notendur virðast vera á eitt sáttir um að DMM 3.0 feli í sér einfalt og snyrtilegt viðmót og ýmsar praktískar nýjungar.

Meðfylgjandi myndir voru teknar þegar Guðmundur og Bjarni buðu Andries, frá Mainnovation, í Búrfellsstöð nýverið. Ingvar Hafsteinsson stöðvarstjóri tók á móti þeim. Á leiðinni til baka var stoppað á sígildum stöðum. Eins og myndirnar bera með sér, þá var veðrið sérlega glæsilegt þennan dag.