Rafrænar undirskriftir í DMM

25. nóvember 2025

Í DMM eru skráðar mikilvægar upplýsingar til dæmis í tengslum við ástandsmat mikilvægs búnaðar, úttektir af ýmsu tagi, upplýsingar um tækjabúnað, framgang stórra verka og aðkomu verktaka þar að og tjón af ýmsu tagi og meðhöndlun tjóna og bilana. Sumar þessar skráningar eru þess eðlis að það er heppilegt og á stundum mikilvægt að skráningarnar séu staðfestar að fleirum en einum aðila sem geta verið innan viðkomandi fyrirtækis eða utan þess. Í DMM er þetta nú mögulegt með rafrænum undirritunum sem við höfum útfært í góðu samstarfi við Dokobit by Signicat sem hafa getið sér gott orð hér á landi og víðar fyrir örugga og notendavæna meðhöndlun rafrænna undirskrifta.